مختارات من روائع الشاعر سالم سيار *****

.
.

اذا هالقلب ماينبض معاليقه على الميعاد

.........................أنا وشلون روحي في دروب المجد أصعدها

مشيت ولا معاي ألا جروح ٍ بالدروب جداد

............................ومعايه شيمة ٍ ترقى على ظلوعي تهودها

صحيح الروح مكسوره ولاتقوى تشيل شداد

..............................ولافكرت أحط روحي عى روح ٍ تسندها

رقيت جروح وخليت الصبر فوق الجروح ضماد

..........................أنا لاقلت أضمدها أنا أعرف كيف أضمدها

تثور الخيل من قلبي وأقول ان الهقاوي جياد

..........................وأشوف القلب من دم الجدود يفور يلكدها

يا أما موت من سيف الشعر يحييني للميلاد

................يا أما النفس في صمت الشعور تموت وأغمدها

أنا البارح يناديني النعاس ولا يجيني رقاد

.......................سهرت أنوم القمرى على عيوني وأقعدها

من بلاد ٍ قلايدها النجم في جيدها وقاد

.....................وعرفت أن السما تلبس من بلادي قلايدها

وضوى هذا السهر يمشي على هذا الجفن بركاد

...................... يموجني الغلا ويطيح من جفني على يدها

وأشوف الليل يترامى تحت عمري ويصير رماد

.................... وأشوف الضوء يغتال الظلام اللي يسودها

هي الفضه من اللولو على هذا الفضا تزداد

..................أم أن هذي الرمال اللي ولدتها من زبرجدها

وكاد انها ضوت عمر القصيد ورحلت القصاد

....................وأجيب أقمار من دمي على فمي وتقصدها

وأصب النبض في قلب البلاد وينبض الأنشاد

..................ويطيب القلب ويتنفس شعوري من قصايدها

يوديني غلاها وجيت من أقصى الغلا وراد

........................عليها وجيت أخذها علي ورحت أوردها

أحبك ياعطر عمري وطلعة عمري بالأعياد

...............أنا همت أكسر ظلوعي في عيدك جيت موقدها

وأقول العيد فيك بخير لأنك خير كل بلاد

..................وأجيب أيام خير سنين عيدي وفيك أعايدها

لأنك دنية الدنيا ومنك ترتوي الأوراد

.....................لأنك أرض كل الأرض ولا غيرك يوردها

وحتى الغيمه من تلمح يدينك تحضن الرعاد

......................تبي تنزل عليك من الوله تروي تنهدها

ألا يادار يابنت الهقاوي وهقوة الأجداد

.....................ألا يابنت من روحه فدى عيونك يبددها

عفيفه لاقعد وجه الفجر من خشية العباد

...................يطيح الليل لارتفعت بذكر الله مساجدها

هي الرفعه من شموخ السجود وجبهة السجاد

........................أبوها لو يسجدها لوجه الله سجدها

يرتبها الفجر في فوضة طيوره ويبكي بعاد

...............ويتنهد على شمس ٍ تجي من أصبع تشهدها

وتفوح الشمس أذا قلب المدارس يحضن الأولاد

...................وبنت ٍ ترمي تلويحة وداع بعين والدها

صباح الشمس يا أرض العزاوي وعزوة الأسياد

..............صباح الأرض يانور الصلاه بروح ساجدها

يهيلها الكرم من صدر أهلها طيبين أجواد

...................يشبون الهلا للي يمر والطيب يوقدها

تشوف العز بعيون النشامى يلتفت هداد

............شلع لارفرفت كلمة (كفو) يطلع ويظهدها

ألا يادار يابنت الهقاوي وهقوة الأجداد

..............ألا يابنت من روحه فدى عيونك يبددها

عزيزه حره ماترضى تلامس يدها الأصفاد

...........تحط الموت في روح الكفوف اللي تقيدها

عنيده لاركبت راس الحرايب تلتهب بعناد

.......... تمر مثل الحرايق في هشيم الحرب ترمدها

أصيله مضمره بالمجد تقود المجد ما تنقاد

........... تمر مثل الوميض ولا قدرت عيني تجودها

مثل ما مرت وشبت عيوني بداخل الميعاد

..........انا قلت أشعل ظلوعي من عيوني وأعايدها

---------------</B>

شف القصيدة ياحمد واقدع معاني مسطرة

ولاتنسى للي صبها تسئل على حماسها

يبقى القلم سحر المسى و الروح صوت المحبرة

تصرخ جروحي بالورق يفطن لها عساسها

نامت مدينه وخاطري تلجل بقلبه مره

طشت جنوني واربطت عاقل وسط كراسها

هي حلمها سيف الشعر ملعون أبو جد ظهره

تبي تفزز شاعره حتى يقصه راسها

ومن يوم رفف فجرها طاحت عيون المغفرة

صلتني حروفي وانا صليت حدر انعاسها

بنت الردى لوهي ذهب يعجبك منظرة

والله لابد تعثر تسمع رنين نحاسها

الليل بنت بالخفى قراءن ربي تسهره

و الليل بنت بالخفى كف الوضوء ماجاسها

الاولى تحشم ناسها لو دهر زاد جمره

والثانية خلها تحشم ربي وشوارب ناسها

تبنى المراجل ياحمد لو قلت هذا مكبرة

داخل عيونه ياحمد بينت قوي باسها

وهدم المراجل ياحمد لو قلت هذا مصغره

داخل عيونه ياحمد بنت وهدت ساسها

بنت ولو هو عسرك وقتك دعاء بتيسره

وبنت ولو هو يسرك وقته دعت خناسها

اذا طعنتك لصواب اخوك واحظن خنجرك

لا تلعن الدنيا وهي حدر تعفس انفاسها

الارض تشربنا جسد و الحلم برا المقبرة

الارض جينا بلبسها باكر نرد لباسها

أركض على عين الشرف ان كان ودك بـ مره

وسترك تشوفه انبنى عمره على أحساسها

---------------</B>

تجيني طيف ياعمري على جنحان شوقي لك

أخاف أرمش من عيوني و بعثر جيت وصالك

حبيبي لا تجيني قول وين أنت و أنا أجيلك

أبيك تقول وين أنت و على عيوني أنا أسعى لك

وربي فوق روس الشوك لخلي القلب يمشي لك

و أخلي ظلالي يسبقني قبل يحضني منزالك

ثواني بس أبتهندم من عيونك وبهدي لك

في عينك ضحك حتى تكحل عين عذالك

يقول الناس بغيابي يشب القلب و يضوي لك

حنين و من وهج شوقه يميل القلب لا مالك

قضى دمعي من عيوني أبي من عينك أبكي لك

أبنثر من ورى عيوني دموع عيون ترحالك

تعبت أهرب من الأشيا البسيطه من تفاصيلك

تعبت أسل زوايا البيت عن أول و اخر احوالك

وحتى الشوق من صبح الدرايش قام يهديلك

عصافير الرضى ترفرف على بيبان مدخالك

هنا ترمي صباح الخير قبل لا تروح و دعيلك

و هنا تضوي مساء الخير في عيني من هذالك

أنا من الليل يقطفني شعوري لك و غني لك

أنا من الصبح يليلني الحزن من لون موالك

حرام الليل ماهو ليل أذا ماكنت في ليليك

و حرام الصبح ماهو صبح أذا ماكنت في ظلالك

تروح وقلت أحط روحي على كفي و أنادي لك

نزعت العمر من شفت الغلا بالروح نادى لك

بربك قول وش سوى الفراق بوجه منديلك

تسيل ألوان طيفي فيه إلى من البكى سالك

حبيبي لا يبكيك الفراق و لا يهد حيلك

أخاف الدمع من عينك يجفف صورتي ببالك

تعال أحتاج أسولف لك عن الأيام و أشكي لك

و فض غيم الحزن و أنثر حنين الشوق بقبالك

تعال وحط في قلبي هموم الفرقى و أشيلك

لان القلب ماهو قلب أذا في نبضه ما شالك

وقف دمعي من عيوني أبي من عينك أبكي لك

أخاف أبكي من عيوني و بعثر جيت وصالك

---------------</B>

عمت عين الضمى أن كان الضمى يترجى أنهارك
وعمت عين الهوى أن كان الهوى بيشتت أعصابي
تخاف القلب لا اظلم غلاه يموت بأنوارك
ابد لا تخاف متعود على طعنات أحبابي
تجيني ويعني وبعدين شسوى يعني لعذارك
.تصوبني وترضي كل غرورك من ورا اصوابي
أقول اسكت ولا تكثر ترا مليت أعذارك
طلبتك لين ما جفت عيوني من ورى أعتابي
توكل ما بقالك شي في عمري كود تذكارك
او اسمع حتى تذكارك كسرته داخل أهدابي