افتح شبابيك الغلا جيت اليوم..

لياالي · 26-Aug-2008, 08:41 PM

أفـتـح شـبـآبـيـك الغـلآ جـيـتك الـيومـ .. ) ~ ..

افتح شبابيك الهوى جيتكاليوم
باحساس من زود الوله عده يطير ..

جيتك مثل طفل له ايام محروم
عن حضن امه ابعدته المقادير ..

وجيتك مثل عود له ايام مهموم
ودهيلاقي بآخر العمر تقدير ..

وجيتك حضن عاشق وهايم ومحروم
وده يضمك لينتصبح على خير ..

متى تحس ان الهوى شي مقسوم
من قسمة الخالق على خلقهيصير ..

ومتى تحس اني لك اطيح واقوم
واتعب على شانك واقدرك واغير ..

لي في هواك احلام وامال وعلوم
واحزاب واصحاب وقصيد وجماهير ..

وهموم وافكار وهواجيس وحلوم
ودروب واخطار وعذاب ومشاوير ..

وحب وغلا واخلاص ومعاند ولوم
واحساس والهام وشعور وتفاكير ..

وصحبة سهر ومقاطعة لذة النوم
واشواق جياشه وعشق وتعابير ..

فيذمتك مابان لك شي مكتوم
من بعد ما صورت الاوضاع تصوير ..

لا تحسب انك شيعابر ومعدوم
وتاريخ حبك فاق كل الاساطير ..

كني لقيتك باغنيه لام كلثوم
وكني قريتك في رواية شكسبير ..

في كل شي اتخيلك واسمعك دوم
واتاملكفي الوقت الاول والاخير ..

من ماضي الايام الى يومك اليوم
غلاك عنديماحصل فيه تغيير ..

وانا لك الله مااقبل البيع والسوم
ولا ارضى علي ولاعليك المخاسير ..

لاني الوحيد اللي على بحرك يعوم
واللي عرف مرساه فيرحلة السير ..

لحظه حبيبي قبل يسبقني النوم
بضم صدرك لين تصبح على خير ..

تقــــــــــــبلـــــــــــــــواتحـــــــــــــــياتــــــــــــي

عطر نجد · 26-Aug-2008, 09:52 PM

ابدعتي يالغاليه

قصيدهـ رااااائعه من انسانه راااااائعه

نورينا دايم بالقسم

عطووووورهـ

لياالي · 27-Aug-2008, 01:39 PM

الاروع مروووووووورك غاليتي

افتح شبابيك الغلا جيت اليوم..

همس القصيد - مجنونات