((مجنون سارة))

القصه اسمها ( مجنون ساره )



قصه حب بمنتهى الروعه وطبعا قصه خياليه وقصه حب جميله جدا انصح الكل يقراها ..

الجــــــــــــــزء الاول:

كانت ساره دلوعه اهلا والكل يحبها وكانت تتمتع باجمل الصفات من جمال واخلاق طيبه وذكاء واما جمالها فخلو على صوب لانها صدق كانت قمر ..كل اللي يشوفها يتخبل على جمالها .. وهي عمرها 19 سنه يعني في اول سنه جامعه وعندها صديقه روح بالروح ومعاها وهي رريم لان ساره كانت وحيده فعشان كذا تعتبر ريم اختها وصديقتها وكل شي ..

والقصه تبتدي ::


ام ساره : حبيبتي سارونه وينك ساره

ساره : هلا امي انا بغرفتي
طلعت ساره من غرفتها عشان تشوف امها وش بيها
ام ساره: وينك ساره من متى اناديك حبيبتي
ساره : امي كنت اكلم ريم صديقتي .
ام ساره : وتضحك والله اني اغار من هالريم . كل وقتك ومعاها
وضحكت ساره وحضنت امها وقالت : محد مثل يا حلى واروع ام بالعالم ..
ام ساره : يالله خلي عنك هالكلام : تقول حبيبتي سارونه لاتنسين عزيمه خالتك لنجاح بنته نوره من الثانويه
ساره : اكيد امي ماني ناسيه افا وانا اقدر انسى نجاح نوره .
وراحت ساره واتلبست ولبست احلى ما عندها واتمكيجت بمكياج خفيف وبسيط
ام ساره : دخلت على ساره تشوفها خلصت ولا
وشافت ام ساره ساره بجمالها وكشختها وقالت لها : ماشاء الله عليك يا بنتي طالعه مثل القمر اقري على عمرك يا بنتي اخاف يحسدونك
ساره وهي مبتسمه : على شو يحسدوني امي
ام ساره : سارونه بلا حركات تعرفين انك حلوه والكل يمدح في من صغرك :
ساره " اكيد لاني طالعه على امي حبيبة عمري

صدقها الام لان ساره مب بس حلوه بل فاااااتنه.. شعرها البني على العسلي وعيونها العسليات الحلوات الوساع اللي كانها عيون الغزال وجسمها كان صدق متناسق كانها عارضه أزياء .

ام ساره: يالله خلي عنك هالكلام ويالله نروح تاخرنا السواق ينتضرنا في السياره
وراحو كلهم العزيمه
وكانت ساره احلاهم
وجت ساره وسلمت على بنت خالتها نوره وباركتلها على نجاحها
نوره : زين جيتي وش هالتاخير كله ؟
ساره : بعد تعرفيني يوم اختار بدله ولبس كيف اتاخر
نوره : بس ماشاء عليك طالعه قمر .. غطيتي علي ..
وضحكت ساره
وقالتلها ساره: محد يغطي على رقه وحلاة بنت خالتي نوره
وجت من وراهم هند اللي هي بعد بنت خالتها يعني اخت نوره وهند اكبر عن ساره بسنتين وهند تغار من ساروه واجد لانها احلاهم ولان الكل يحبها ويحترمها
جت هند وقالت لها مو من خاطرها " هلا ساره
ساره: هلا ببنت خالتي هند وش اخبارك واخبار الدوام
هند : اكيد تمام
وراحت عنها هند
ساره وهي مستغربه : بلاها هند ليش متضايقه؟
نوره : لا حبيبتي هند ما فيها شي بس تعرفين كيف تفكر وهي تعرفينها من صغرها تغار منك
ساره : ليش تغار ..؟ هند حلوه وزينه
نوره : بعد تعرفين البنات وغيرتهم
المهم خلصت الحفله والاغلبيه راحو البيت الا ساره وامها
وكانو يتكلمون ويضحكون وفجاه دخل ولد خالتها اللي هو اخوهم خالد
خالد كان اكبر اخوانه وكان طيب وخلوق ووسيم وكل البنات متخبلين عليه وينتظرون نظره منه بس هو قلبه مب ملك أحــد غير (ســــاره ).
بعد ومن صغره كان متيم في ساره مب بس متيم بل يموت فيها : ودخل وفجاه شاف ساره .. وكان يشوفها بنظرات وحب ويقول في خاطره : ساره هنا واخيرا وينك يا نبض قلبي وينك عني
والكل لاحظ نظراته
ونوره قالت : الناس يسلمون يا خالد
ام خالد : وين وصلت يا خالد
هند اختهم : هه هه هه اكيد عيونه على حبيبته ساره . وكانت هند تشوف ساره بنظرات كلها غيره

وساره استحت واحمرت ونزلت راسها .
خالد بعد استحى ودعى على هند في خاطره
خالد " السلام عليكم كيف حال بنت خالتي ساره
ساره : الله يعافيك خالد انت وش اخبارك .
ام ساره : بس ساره واحنا وين رحنا
ضحكو كلهم على خالد لان ما كان يشوف الا ساره
وخالد أبد ما كان يتكلم لانه بس يريد يشوف حبيبته ساره .
وقالها وهو يشوفها من فوقها لين تحتها .
خالد : ماشاء الله عليك يا بنت خالتي طالعه اليوم ملاك .
ساره صدق وجهها محمر : عيونك الاحلى بس عاد لا تبالغ
خالد : وربي ما ابالغ المجنون اذا شاف جمالك راح يصحى

نوره : اجل خلا نودي ساره مستشفى المجانين عشان كلهم يصحون ويصيروون زينين .
وهنا الكل تم يضحك
بس خالد كان تفكيره كله في ساره .
ام ساره " يالله عن اذنكم بنروح البيت الوقت تاخر
ام خالد : وين تو الناس بعدنا ما شبعنا منكم
ام ساره : الود ودنا نقعد الين الفجر بس ما يصير
ساره : اكيد القعده معاكم ما تنمل يا خالتي
كلهم وقفو وراحو يسلمون علشان يطلعون وبعد ما وصلت ساره عند خالد
. وهي منزله راسها : مع السلامه يا ولد خالتي
خالد وعيونه على ساره : مع السلامه يا القمر اووووه قصدي يا بنت خالتي
وعلى طول ساره طلعت لانها صدق استحت وما تعرف كيف ترد على كلمات خالد العذبه .
وبعد ما وصلت ساره البيت
كانت تفكر في ولد خالتها خالد ونظراته وكلماته الساحره .
اما خالد فكان هاليوم احلى يوم عنده وفرحان لان شاف حبيبته ساره لان من هو صغير يحبها ..
وراح عند امه باخرالليل
وتم يدق الباب على غرفه امه
خالد : يمه يمه افتحي الباب
ام خالد: مستغربه : خالد فيك شي يعورك شو فيهم خواتك ..؟
خالد : باسم الله عليك امي ما فينا شي
ام خالد : اجل ليش جاي هالوقت تعرف ساعه كم
خالد هي الساعه 2 ونص وش يعني .. المهم امي الله يخليك ابي اقولك شي
ام خالد فتحت الباب وهي مستغربه من خالد وتشوفه بنظرات غريبه
ام خالد : قول اللي عندك يا خالد وش فيك ؟
خالد امي تعرفين اني احب ساره بنت خالتي من صغري ويا هالوقت اللي تخطبينها لي امي اخاف احد ياخذها مني واذا احد خذاها بموت يا امي تعرفين شو يعني بموووووووت .
ام خالد وهي تضحك على خالد . باسم الله عليك من الموت يا خالد
الله ياخذ بليسك يا خالد موصحيني هالوقت علشان هالسالفه .. لا تخاف ساره ان شاء الله ما بتكون الا لك
خالد: ابيك تكلمين امها بكره اوكي
ام خالد : خلاص حبيبي تم بس انت روح نام الحين



نكمل الجــزء الثاني علي حسب الطلب؟


.:::يتـبع:::.